BYA ABU BATUUSA
| KAMPALA | KYAGGWE TV | Abavubuka bayiise mu bungi ku kisaawe e Kololo okwetaba mu kusunsulwa basobole okuyingira eggye ly’eggwanga erya UPDF.
Bano bakungaanidde ku kisaawe e Kololo ng’eno ababadde baagala okuyingira amagye babasookezezza ku dduyiro akamudde abasing obungi. Bano badduse emisinde nga beetoloola ebyalo kkiro mmita ttaano ng’abamu ku bano okubadde n’omuwala azirise nga ky’aggye akomewo okuva mu misinde.
Omwogezi wa UPDF mu Division esooka, Major Charles Kabona ategeezezza nga bwe basunsudde ebitundu okuli Kampala Centre ne Makindye Division era nga abasinga bagobeddwa olw’obutabeera na bisaanyizo.
Enteekateeka eno okusinziira ku Kabona egenda kutambula mu bitundu by’eggwanga eby’enjawulo ku nnaku ez’enjawulo azaamala edda okulambikibwa.
The post Abaagala Okuyingira Eggye Lya UPDF Dduyiro Abakanudde ne Bazirika appeared first on Kyaggwe TV.